Rinna thu hi Kristian lungphum pawimawh ber a ni a. Bible bu pum puia thupui langsar ber leh pawimawh zinga mi a ni. Rinna hi sawifiah chi a ni lo va, rina fiah chi a ni. Sawifiah a har avangin entirna leh tehkhin thu nena sawi a ni deuh ber thin.
Motor-a kan chuan hian motor kan ring tihna a ni a. Kan kal duhnaah min hruaithleng dawn tih kan ring a, kan chakna thahrui hmang lovin motor chakna chu ringin hahdam takin kan chuang thin a ni.
Rinna awmzia chu Pathiana innghat tlat tihna a ni. Mahni chakna leh theihna, finna leh hriatna tea innghat lova Pathiana innghat thinte hi ringtute chu an ni. Pathian ringtute chuan Pathian a awm ngei tih an hria a, a rintlak tih pawh an hria a, an ringhlel lo tihna a ni.
No comments:
Post a Comment